DYP yük maşınlarını postda saxlayıb artıq yükü boşaltdırdı - VİDEO

Avtomobillə normadan artıq yük daşıyan fiziki və hüquqi şəxslərə qarşı nəzarət tədbirləri davam etdirilir.

Baş Dövlət Yol Polisi İdarəsindən Avtosfer.az-a verilən məlumata görə, təyinatından asılı olmayaraq istənilən yükün müəyyən edilmiş kütlə hədlərini aşmamaq şərtilə daşınması barədə dəfələrlə edilmiş xəbərdarlığa, bu sahədə çalışan hüquqi və fiziki şəxslərin maarifləndirilməsi istiqamətində görülən tədbirlərə baxmayaraq, müşahidələr göstərir ki, bəzi sürücülər tərəfindən hələ də analoji qayda pozuntularına yol verilir.

Nəzarət tədbirləri zamanı icazə verilən çəki və kütlə parametrlərinə dair tələbləri pozan sürücülərin aşkarlanması, icazə verilən həddən artıq yükü olan nəqliyyat vasitələrinin yol hərəkətindən kənarlaşdırılması, artiq yükün boşaldılması və sürücülərə inzibati tənbeh tədbirlərinin görülməsi həyata keçirilir.