Maşın xarab oldu, yolda tıxac yarandı - DYP əməkdaşları görün nə etdi - VİDEO

Yolda xarab olan maşın sıxlığa səbəb olub. Oxuculardan biri qeydə aldığı videonu Avtosfer.az-ın qaynar xəttinə göndərib. Hadisə noyabrın 14-də, paytaxtın Ziya Bünyadov prospektində baş verib. Belə ki, yolun hərəkət hissəsində qalan avtomobil tıxaca səbəb olub. Bunu görən 99-YP-468 qeydiyyat nişanlı, patrul avtomobilində xidmət aparan əməkdaşlar dərhal hadisə yerinə gələrək həm köməksiz vəziyyətdə qalan sürücüyə yardım edib, həm də avtomobili sıxlıq olan ərazidən uzaqlaşdıraraq digər sürücülərin rahat və fasiləsiz hərəkətini təmin edib. Polis əməkdaşlarının operativ addımına görə görüntünü qeydə alan oxucu redaksiyamız vasitəsilə Dövlət Yol Polisi İdarəsinin rəhbərliyinə təşəkkürünü bildirib.

Qeyd edək ki, yollarda baş verən hər bir hadisələrə nəzər yetirsək görərik ki, polis əməkdaşları öz üzərilərinə düşən vəzifədən də artıq  işlər görürlər. Hadisə yerinə gələn, vətəndaşlara ilk yardımı məhz polis əməkdaşlarının göstərməsi danılmazdır.

Təbriz