Naxçıvanda yol hərəkətinin təşkili mövzusunda maaarifləndirici görüşlər keçirilib - VİDEO

Oktyabrın 27-29 tarixlərində Naxçıvan Muxtar Respublikasının Daxili İşlər Nazirliyinin Orta İxtisas Polis Məktəbində Naxçıvan Dövlət Texniki Kollecinin yol hərəkətinin təşkili ixtisası üzrə təhsil alan tələbələri ilə təcrübə məşğələləri və maaarifləndirici görüşlər keçirilib.

Avtosfer.az xəbər verir ki, görüşdə Daxili İşlər Nazirliyinin Baş DYP İdarəsinin Yol-Patrul Xidməti Şöbəsinin rəisi, polis polkovniki Sadin Əsgərov və həmin şöbənin baş dövlət avtomobil müfəttişi, polis polkovnik-leytenantı Ceyhun Əliyev iştirak edərək yol-patrul xidməti inspektorunun vəzifələri və hüquqları mövzusunda iştirakçılara geniş məlumatlar verib və onları maraqlandıran sualları cavablandırıblar.