Polis İdarəsində uşaqlarla bağlı müzakirələr aparıldı - FOTO

Xəzər Rayon Polis İdarəsinin təşəbbüsü ilə “Uşaqlara dair Strategiyanın həyata keçirilməsi üzrə 2020-2025-ci illər üçün Fəaliyyət Planı”nın icrası ilə bağlı görüş keçirilib.

Uşaqlarda təhlükəsiz həyat fəaliyyəti, xüsusilə internet təhlükəsizliyi mədəniyyətinin formalaşdırılması, yeniyetmələrin intellektual inkişafını stimullaşdıran layihələrin həyata keçirilməsi, sağlam həyat tərzinin və asudə vaxtın təşkili istiqamətində tədbirlər müzakirə olunub, qarşıda duran məsələlərlə bağlı dinləmələr keçirilib. 

Görüşdə müvafiq dövlət qurumlarının nümayəndələri, məktəb direktorları və sığıncaq rəhbərləri iştirak ediblər. 

İdarə rəisinin müavini, polis mayoru Elməddin Əhmədov uşaq hüquqlarına dair görülən işlərdən, xidməti ərazidə aşkarlanan neqativ halların qarşısının alınmasının vacibliyinə toxunaraq, diqqətə çatdırıb ki, polis əməkdaşları tərəfindən daxil olan bütün müraciətlərə çevik reaksiya verilməklə adekvat tədbirlər görülür. 

Tədbirlər davam etdirilir.