İsmayıllı Rayon Polis Şöbəsinin əməkdaşları torpaqlarımızın azadlığı uğrunda döyüşərək şəhidlik zirvəsinə ucalan oğullarımızın ailələrinə baş çəkib, onların qayğıları ilə maraqlanıblar.

Avtosfer.az xəbər verir ki, şəhid ailələri ilə keçirilən görüşlərdə şəhidlərimizin müqəddəs amal uğrunda canlarından keçdikləri bir daha vurğulanıb, onların əziz xatirəsinin daim qəlbimizdə yaşayacağı diqqətə çatdırılıb.

Onlar Qurban bayramı ilə əlaqədar gətirdikləri bayram sovqatlarını şəhid ailələrinə təqdim ediblər.

Şəhidlərin ailə üzvləri ölkəmizdə müharibə iştirakçılarına, şəhid ailələrinə göstərilən diqqət və qayğıya görə dövlətimizin başçısına minnətdarlıqlarını bildiriblər.