Qaradağda qəzaya düşən maşındakı uşaqları polislər xilas etdi - VİDEO
Yol polisi 6 Oktyabr 2022 19:15 Oxunub 3322
Qaradağda qəzaya düşən maşındakı uşaqları polislər xilas etdi - VİDEO

Qaradağ rayonu ərazisində xidmət aparan polis əməkdaşları baş vermiş yol-nəqliyyat hadisəsində ata və üç azyaşlının həyatını xilas ediblər. Avtosfer.az xəbər verir ki, bu barədə məlumat Feysbookda Tamerlan Əfəndiyev tərəfindən paylaşılıb. Bildirilib ki, hadisə Bakı-Qazax yolunun 14-cü kilometrliyində - "körpünün üstü" deyilən yerdə baş verib. “Mitsubishi Pikap” markalı avtomobillə rayon istiqamətində hərəkət edən sürücünün halı qəfil pisləşib və o, sükan arxasında huşunu itirib. Üç azyaşlının olduğu avtomobil yol kənarındakı dəmir dirəklərə çırpılıb.

Ərazidə xidmət aparan Əlahiddə Çevik Polis Alayının 10-cu Patrul Bölüyünün əməkdaşları – polis serjantları Elnur Təhməzli, Elnur Sədali, kiçik serjantlar Asim Bəbirli və Nizami Ədilov dərhal sürücünün köməyinə çatıblar. Onlar ata və üç azyaşlını avtomobildən çıxararaq ilk tibbi yardım göstərib, psixoloji dəstək olublar. Sonra onlar xəstaxanaya yola salınıb.

 

Emin

ŞƏRH YAZ
Ad

E-mail

Şərh