Qaxda dayanma-durma qaydalarını pozan sürücülər cərimələnib - FOTO

Qax Rayon Polis Şöbəsinin Dövlət Yol Polisi Bölməsinin əməkdaşları tərəfindən dayanma-durma, parklanma qaydalarını pozan sürücülərin müəyyən edilməsi, onların maarifləndirilməsi və törətdikləri qayda pozuntularına görə barələrində inzibati tənbeh tədbirlərinin görülməsi məqsədilə profilaktik tədbirlər keçirilib.

​DİN-in Mətbuat Xidmətinin Şəki regional qrupundan Avtosfer.az-a verilən məlumata görə, şəhərin küçə və prospektlərində keçirilən tədbirlər zamanı səkilərdə,avtobus dayanacaqlarında, eləcə də müəyyən edilməyən digər yerlərdə avtomobillərini saxlayan sürücülər aşkar olunaraq onlarla izahedici söhbətlər aparılıb və törətdikləri qayda pozuntuları barədə məlumat verilib. Bu kimi halların digər hərəkət iştirakçılarının da haqlı narazılığına səbəb olduğu bir daha həmin şəxslərin diqqətinə çatdırılıb və barələrində inzibati protokol tərtib edilib.