Şəkinin yol polisi daha bir məktəbdə şagirdləri maarifləndirdi - FOTO

Şəki Şəhər Polis Şöbəsinin Dövlət Yol Polis Bölməsi uşaq travmatizminin qarşısının alınması məqsədi ilə təhsil müəssisələrində maarifləndirmə tədbirlərini davam etdirir. Növbəti tədbir oktyabrın 24-də Şəki şəhər 17 nömrəli tam orta məktəbdə keçirilib. Dövlət DYP Bölməsinin təbliğat və təşviqat üzrə inspektoru, polis baş leytenantı Tural Niftalıyev çıxış edərkən bildirib ki, bu tədbirlər piyadaların intizamının artırılması, təhlükəsiz davranış vərdişlərinin aşılanması, tədris prosesinin effektliyinin yüksəldilməsinə Dövlət Yol Polisinin köməyinin artırılması məqsədi ilə keçirilir.

İbtidai sinif şagirdlərinə "Piyadanın vəzifələri" barədə  ətraflı məlumat verilib, onları maraqlandıran suallar cavablandırılıb.  Sonra, şagirdlər yol hərəkəti qaydalarına aid bilik və bacarıqlarını nümayiş etdiriblər. Yol hərəkəti qaydalarına aid şeirlər, mahnılar səsləndirib, səhnəcik nümayiş etdiriblər.

Daha sonra Tural Niftalıyev ibtidai sinif şagirdlərinin hazırladıqları yol hərəkəti qaydalarına aid əl işlərinə baxıb.

Emin