Sərxoş halda maşın sürən, svetoforu saymayan, "protiv" gedən qadın sürücülər çoxalıb - DYP

Ötən il təhlükəsizlik kəmərini bağlamadan nəqliyyat vasitəsini idarə etməyə görə 5 494 və nəqliyyat vasitəsinin sərxoş vəziyyətdə idarə edilməsinə görə 40 nəfər qadın sürücü cərimələnib. Bu barədə Avtosfer.az-a Baş Dövlət Yol Polisi İdarəsindən məlumat verilib. Bildirilib ki, yolayrıcını keçmə qaydalarının pozulmasına görə 1363, svetoforun və ya nizamlayıcının qadağanedici işarəsi verilərkən hərəkətin davam etdirilməsinə görə 1257, araməsafəsi qaydalarının pozulmasına görə 528, nəqliyyat vasitəsini tam olaraq əks istiqamətli nəqliyyat axınının hərəkət zolağına keçirərək nəqliyyat axınına əks istiqamətdə hərəkət etməyə görə 383, nəqliyyat vasitəsinin hərəkəti zamanı telefonu əldə saxlamaqla ondan istifadə etməyə görə 192 qadın sürücü barəsində inzibati tənbeh tədbirləri tətbiq edilib.