Texniki baxış məntəqələrində nümunəvi sürücülərə hədiyyələr verilir - FOTO - VİDEO

Daxili İşlər Nazirliyi Baş Dövlət Yol Polisi İdarəsinin Sabunçu və Qaradağ  rayonlarında yerləşən Texniki Müayinə Mərkəzlərinə müraciət edən vətəndaşların məmnunluğu üçün daha bir yenilik edilib. 
Avtosfer.az xəbər verir ki, qeyd edilən mərkəzlərə avtomobilini texniki cəhətdən saz vəziyyətdə təqdim edən və il ərzində yol hərəkəti qaydalarını pozmayan nümunəvi sürücülərə Müayinə Mərkəzinin əməkdaşları tərəfindən xüsusi hədiyyələr təqdim edilir. 
Bundan başqa Texniki Baxış Məntəqələrində vətəndaşların rahatlığını təmin etmək məqsədi ilə sürücülərə çay, kofe və su təklif edilir. 
Qeyd edək ki, Texniki Müayinə Mərkəzləri hər gün səhər saat 09:00-dan 18:00-dək fasiləsiz fəaliyyət göstərir. 
Sürücülərdən xahiş olunur ki, texniki baxışa avtomobillərini saz vəziyyətdə təqdim etsinlər.
Bundan başqa vətəndaşlar avtomobillərinin texniki baxışdan keçirilməsi ilə əlaqədar onları maraqlandıran məsələlərin operativ öyrənilməsi üçün 012-511-08-40 nömrəli qaynar xətlə də əlaqə saxlaya bilərlər.