Ucarda polis əməkdaşları şəhid övladlarını yeni dərs ilinin başlanması münasibətilə təbrik etdilər - FOTO

Ucar Rayon Polis Şöbəsinin əməkdaşları yeni dərs ilinin başlanması ilə əlaqədar işğal altında olan torpaqlarımızın azadlığı uğrunda aparılan Vətən müharibəsində qəhrəmancasına şəhid olan həmyerlimizin məktəbli övladlarını ziyarət ediblər.

Avtosfer.az xəbər verir ki, Şəhid Ağayusif Əliyevin və Allahverdi Ələkbərovun  ailəsini ziyarət edən polis əməkdaşları məktəbliləri təbrik edib, təhsillərində uğurlar arzulayıblar. Azyaşlılara məktəbli çantası və dərs ləvazimatları hədiyyə edən polislər, onlarla xatirə şəkilləri çəkdiriblər.

Şəhid ailələri onlara göstərilən diqqət və qayğıya görə DİN rəhbərliyinə və Ucar RPŞ-nin kollektivinə təşəkkürlərini bildiriblər.