Ürəyindən sancı tutan vətəndaşı DYP avtomobilinə mindirib apardılar - VİDEO

Səkidə hərəkət edən piyadanın halı qəflətən pisləşib. Bunu görən yol polisi əməkdaşı dərhal hadisə yerinə gələrək vətəndaşa köməklik göstərib. Avtosfer.az xəbər verir ki, hadisə iki gün əvvəl Üzeyir Hacıbəyli küçəsində baş verib. Səki ilə hərəkət edən iki nəfərdən biri ürəyində yaranmış problemlə bağlı hüşünü itirib. Yanındakı digər şəxs ona yardım göstərərkən ərazidə xidmət aparan Bakı şəhər DYP İdarəsinin YPX Alayının baş inspektoru, polis leytenantı Qasımov Rövşən Koroğlu oğlu hadisə yerinə yaxınlaşıb. Vətəndaşa ilkin tibbi yardım göstərilib, ardınca isə 99 YP 505 dövlət nömrə nişanlı patrul avtomobilinə əyləşdirilən həmin vətəndaş yol polisi tərəfindən “Baku Medical” xəstəxanasına çatdırılıb. Həkimlər tibbi yardım göstərdikdən sonra vətəndaşın durumu yaxşılaşıb və evə buraxılıb.

Oxuculardan birinin göndərdiyi videonu təqdim edirik:

Elmin