Yol polisi 20 Yanvar dairəsində reyd keçirtdi - Ölümə gedənlər cərimələndi - VİDEO

 Bakı şəhər Dövlət Yol Polisi İdarəsi paytaxtın 20 Yanvar dairəsində və Şamaxinka adlanan ərazidə reyd keçirib. Bu barədə idarənin baş inspektoru, polis mayoru Araz Əsgərli məlumat verib. Onun sözlərinə görə, keçirilən reyd yol hərəkəti qaydalarını pozaraq yolu təhlükəli yerdən keçən, eyni zamanda nəqliyyat vasitələrinin hərəkətinə maneə yaradan piyadalar üçün nəzərdə tutulub. Reyd zamanı piyadaların nəzərdə tutulmayan yerdən keçmələri müşahidə edildiyindən, onlarla profilaktiki söhbətlər aparılıb, həmçinin inzibati məsuliyyət tədbirləri həyata keçirilib. Etdikləri yanlış hərəkətin nə dərəcədə təhlükəli olduğu isə əyani şəkildə onlara göstərilib: "Bir daha piyadalara səslənərək  bildiririk ki, yolu keçən zaman özünüzü və sürücüləri təhlükə altında qoymamaq üçün keçidlərdən istifadə edin. Qaydaları pozduğunuz halda düşünməyin ki, cərimə ödəməklə məsuliyyətdən yaxa qurtaracaqsınız. Məsuliyyətsizliyiniz həyatınızın sona çatması ilə də nəticələnə bilər" - deyə Araz Əsgərli bildirib.

Nərminə Əli