Yol polisi daşıyıcı şirkətlərin rəhbərləri və sürücülərlə görüşdü - VİDEO

Baş Dövlət Yol Polisi İdarəsinin əməkdaşları Bakı Beynəlxalq Avtovağzal Kompleksində daşıyıcı şirkətlərin nümayəndələri və sürücülərlə maarifləndirici görüş keçirib. Avtosfer.az xəbər verir ki, görüşdə qarşıdan gələn bayram günləri ilə əlaqədar sıxlıq və intensiv hərəkətin nəzərə alınması vurğulanıb. Eyni zamanda sürücülərin yol hərəkəti qaydalarına əməl etməsi, iş və istirahət rejiminin qorunması,  ehtiyyat sürücünün avtobuslarda olması kimi məsələlər diqqətə çatdırılıb. Son günlərdə spirtli içki və narkotik vasitələrin təsiri altında avtobus idarə edən sürücülərin aşkarlandığı və daşıyıcı şirkət rəhbərlərinin buna məsuliyyətli olmasının vacibliyi vurğulanıb.  
Tədbirdə sürücüləri maraqlandıran suallara cavab verilib və müxtəlif məsələlər ətrafında fikir mübadiləsi aparılıb.