Yol polisi dünya kubokunu qazandı: "Qələbəmi şəhidlərimizə həsr edirəm" - FOTO

29 iyun - 2 iyul tarixlərində Ukraynanın Koblevo şəhərində Universal döyüş idman növü üzrə Dünya Kuboku keçirilir.

28 ölkədən 400-ə yaxın idmançı iştirak etdiyi yarışda Bakı Şəhər Dövlət Yol Polisi İdarəsinin əməkdaşı, polis serjantı Nicat Əliyev 87 kq çəki dərəcəsində ölkəmizi təmsil edərək Dünya Kubokunun qalibi olub.

Avtosfer.az-a danışan idmançı yol polisi bildirib ki, qələbəsini Qarabağda şəhid olan qəhrəmanlara və Polis günü münasibətilə bütün polislərə həsr edir.

Avtosfer.az kollektivi qələbə münasibətilə Nicat Əliyevi təbrik edir, fəaliyyətində uğurlar arzulayır.

Orxan