Yol polisi Suraxanıda reyd keçirdi: ödənməmiş cərimə, qanunsuz sərnişindaşıma... - VİDEO
Yol polisi 18 Sentyabr 2021 17:31 Oxunub 3498
Yol polisi Suraxanıda reyd keçirdi:  ödənməmiş cərimə, qanunsuz sərnişindaşıma...  - VİDEO

Bu gün Suraxanı Rayon Dövlət Yol Polisi Şöbəsinin əməkdaşları rayon ərazisində maarifləndirici reyd keçirib. 

Avtosfer.az xəbər verir ki, reyd zamanı qanunsuz sərnişindaşıma ilə məşğul olan mikroavtobus və taksi sürücüləri aşkarlanıb. Eyni zamanda təhlükəsizlik kəmərindən istifadə etməyən, sürücülük hüququ olmadan avtomobil idarə edən sürücülər barəsində qanunauyğun qaydada tədbirlər görülüb.  
Tədbir zamanı ödənməmiş cərimələri olan sürücülər saxlanılıb. Onlara qanunun tələbləri izah edilib və avtomobillər duracağa təmin olunub. 
YPX əməkdaşları karantin qaydalarını pozan sürücülər də aşkarlayıb. Onlara tibbi maskadan istifadə etmək,  taksilərdə şəffaf arakəsmələrin olmasının vacibliyi izah edilib. 
Ümumilikdə reyd zamanı 30-dək sürücü barəsində inzibati qaydada protokol tərtib olunub.  Sürücülərlə profilaktiki söhbətlər aparılıb. 
Bu cür tədbirlərin mütamadi olaraq keçirilməsi planlaşdırılır. Reyddən hazırlanmış videosujeti təqdim edirik:

ŞƏRH YAZ
Ad

E-mail

Şərh