Yol polisində daha bir dəyişiklik – Mayora yeni vəzifə verildi

Bakı şəhər BPİ Dövlət Yol Polisi İdarəsində kadr dəyişikliyi edilib. Avtosfer.az-ın əldə etdiyi məlumata görə, daxili işlər naziri, general-polkovnik Vilayət Eyvazovun əmri ilə polis mayoru Azad Əliyev Yol-nəqliyyat hadisələri üzrə şöbənin rəisi vəzifəsindən azad edilib. Azad Əliyev Bakı şəhər DYP-nin İnzibati xəta haqqında iş üzrə icra şöbəsinin rəisi vəzifəsinə təyin edilib.

Qeyd edək ki, həmin şöbənin keçmiş rəisi, polkovnik-leytenant Eyvaz Şahverdiyev bir neçə gün əvvək tutduğu vəzifədən azad olunaraq Baş DYP İdarəsinin YPX Alayının komandir müavini təyin edilib.

Emin