Yol polisinə şər atan vəsiqəsiz sürücü haqqında DİN-dən AÇIQLAMA - VİDEO
Yol polisi 23 İyun 2022 10:18 Oxunub 5418
Yol polisinə şər atan vəsiqəsiz sürücü haqqında DİN-dən AÇIQLAMA  - VİDEO

Sosial şəbəkələrdə Quba Rayon Polis Şöbəsinin Dövlət Yol Polisi Bölməsinin əməkdaşları ilə bağlı yayılan məlumatlar həqiqətdən uzaqdır, böhtan və şantaj xarakterlidir.

Bunu DİN-in Mətbuat Xidmətinin Quba regional qrupunun baş inspektoru, polis leytenantı Xəyal  Talıbov Avtosfer.az-a göndərdiyi yazılı açıqlamada bildirib.

“YPX-nin inspektoru rayon ərazisində hərəkətdə olan Masallı rayon sakini Kamran Adıgözəlovun idarə etdiyi “KİA” markalı avtomobili yollarda intizamsızlıq etdiyinə  və yol hərəkəti qaydalarını kobud şəkildə pozduğuna, eləcə də təhlükəsizlik kəmərini bağlamadan nəqliyyat vasitəsini idarə etdiyinə görə  nəzarət-yoxlama qaydasında saxlayıb. Araşdırmalar zamanı K.Adıgözəlovun  sürücülük hüququ olmadan Rizvan Oruczadəyə məxsus avtomobili idarə etdiyi məlum olub. Qeyd edim ki,  R.Oruczadə həmin anda orada olmayıb. Daha sonra polis əməkdaşı tərəfindən hər iki şəxs barəsində İnzibati Xətalar Məcəlləsinin müvafiq maddələrinə əsasən  protokol tərtib olunub və maşın cərimə meydançasına aparılıb.  Rizvan Oruczadənin bir müddət sonraYPX-nin əməkdaşlarına yaxınlaşaraq  video görüntülər çəkməsi özünü təmizə çıxarmaq və polis əməkdaşlarına şər yaxmaq məqsədi daşıyır”.

Nərminə Əli

ŞƏRH YAZ
Ad

E-mail

Şərh