Bakıda yol polisinin bu hərəkəti kameraya düşdü – 99-YP-428

Bakıda yolun ortasında qalan sürücünün köməyinə yol polisi yetişib. Avtosfer.az bildirir ki, paytaxtın Koroğlu Rəhimov küçəsində avtomobili nasazlanan sürücü yolun ortasında məcburi dayanma edərək tıxaca səbəb olub. Yoldan keçən polis vəziyyəti araşdırmaq üçün avtomobilini “Toyota”nın arxasında saxlayaraq sürücüyə yaxınlaşıb. Sürücü məsələni izah etdikdən sonra 99-YP-428 nömrəli polis maşının əməkdaşı serjant Vüsal Abbasov ona usta gözləmək üçün sağa keçməsini məsləhət görüb. Bunun üçün polis özü nasaz avtomobilin kapotunu bağlayıb və onu yoldan çəkmək üçün köməklik göstərərək maşını itələyib. Yolda qalan sürücü isə polisə minnətdarlığını bildirib.
Polisin vəzifə borcu vətəndaşa xidmət etməkdir, amma, vicdanlı polislərimiz vəzifə borcundan kənara çıxaraq hər zaman yollarda insani borclarını da yerinə yetirib insanlara köməklik göstərir. 

Aysel