"07" ilə yarışa çıxıb avtoxuliqanlıq edən sürücülər - VİDEO

Avtoxuliqanlıq edərək küçələrdə at oynadan gənclər özlərini ifşa etdi. Avtosfer.az xəbər verir ki, “qəhrəmanlar”ın istəyi ilə görüntülərə alınan video sosial şəbəkələrdə müzakirə obyektinə çevrilib. Belə ki, “xuliqanlıq şou”larını cəmiyyətə örnək hərəkətmiş kimi göstərən “99-LP-447” və “42-CF-044” dövlət nömrə nişanlı, “VAZ-2107” markalı avtomobillərin sürücüləri bununla kifayətlənməyərək maşınlarında müəyyən konstruksiya dəyişikliklərinə də əl atıblar. 

Bir sözlə, digər “avtoş”lardan geri qalmamağa çalışan “qəhrəmanlarımız” əməllərinin qanundan kənar olmasını gözardı edərək “pis yaxud, yaxşı fərq etməz, əsas odur trendə düşək” fikriylə sadəcə gündəmdə qalmaq dərdindədirlər.

Nərmin Əkbər