Şəhərin mərkəzində 13 yaşlı "avtoş" polislərə tər tökdürdü - FOTO

Fransanın Nant şəhərində polis gecə boyu 13 yaşlı uşaqla sözün həqiqi mənasında qaçdı-tutdu oynayıb. Avtosfer.az xəbər verir ki, gecə saat 3 radələrində jandarmlar şübhəli avtomobili saxlatmaq istəyib. Lakin sürücü polis avtomobilini vuraraq qaçıb. Əlavə qüvvələr cəlb olunsa da, yeniyetməni 3 saat sonra saxlamaq mümkün olub. Polis son çarə kimi yola mismarlı lent döşəyib. Təkərlər tədricən boşaldıqdan sonra yeniyetmə avtoş uzağa gedə bilməyib. Maşın dayandıqda isə sərnişin qaçıb. Əməliyyat zamanı sürücü 5 polis avtomobilini zədələyib.
Saxlanan yeniyetmə idarəyə gətirilərkən məlum olub ki, o, atasının avtomobilini qaçırıb, özü isə narkotik vasitənin təsiri altındadır. Axtarış zamanı üzərindən keramik bıçaq və həşiş qatranı çıxan yeniyetmə uşaqlar üçün saxlanma məntəqəsinə göndərilib.

Vüqar