Ağdamda oğurlanmış məscid qapısı Xankəndidə “Bardağ Pub”dan tapıldı - FOTO

Xankəndidə erməni iş adamına məxsus pubun qapısı Ağdamın Şahbulaq qalasından götürülüb. Bu qapı 1993-cü ildə Şahbulaq qalasında ermənilərin dağıtdığı qədim məscidin qapısıdır. Avtosfer.az xəbər verir ki, erməni işğalından sonra kompleksin daxilindəki məscid, hamam, Xan sarayı və bəzi yaşayış evləri dağıdılıb. Sökülən məscid XVIII əsirə aid tarixi abidədir.
Qeyd edək ki, Xankəndidə sökülən xaç ermənilər tərəfindən çox böyük səs-küyə səbəb olmuşdu. Sosial şəbəkələrin birində dosent Zaur Əliyev şəxsi hesabında etdiyi paylaşımda bundan bəhs edib: “Bunu onların gözünə soxmaq lazımdır ki, islam mədəniyyətinə və inancına məxsus tikilinin qapısını niyə içki yerində istifadə edirsiniz?”.
Əlbətdə ki, bu suala heç bir cavab gözləmirik, çünki verə biləcək cavabları yoxdur. 
Nurlan Sakitoğlu