Avtobusu qarlı havada əks yolla sürən sürücü CƏZALANDIRILDI - ANBAAN VİDEO

Qarlı havada avtobusu əks istiqamətdə idarə edən sürücü 100 AZN və 4 bal cərimələnib.

Bunu Avtosfer.az-a Bakı Şəhər Dövlət Yol Polis İdarəsinin baş inspektoru, polis mayoru Araz Əsgərli bildirib.

O əlavə edib ki, sürücü İnzibati Xətalar Məcəlləsinin 327,4-cü maddəsi ilə (Birtərəfli hərəkət yollarında müəyyən edilmiş hərəkət istiqamətinin əksinə hərəkət etmə) cəzalandırılıb. 

***10:22

"Əks istiqamətdə hərəkət edən avtobusla əlaqədar qanuni tədbirlər görüləcək".

Bu sözləri Avtosfer.az-a açıqlamasında Bakı Şəhər Dövlət Yol Polis İdarəsinin baş inspektoru, polis mayoru Araz Əsgərli bildirib:

"Baş vermiş hadisə ilə bağlı dayışıcı şirkət məlumatlandırılacaq, sürücü barəsində isə qanuni tədbir görüləcək. Sürücüləri bir daha belə hərəkətlərə yol verməməyə və sərnişinlərin həyatlarını təhlükəyə atmamağa çağırırıq".

***09:47

Bakıda avtobus sürücülərindən biri qarlı havada sərnişinlərin həyatını təhlükəyə atıb.

Avtosfer.az bu barədə baku.ws-ə istinadən xəbər verir.

Belə ki, 107 nömrəli avtobus "Böyükşor gölü" üzərindəki yolda əks istiqamətdə hərəkət edib.