Avtovağzalın qarşısında iki qanunsuz avtovağzal yarandı – Xaos - VİDEO

Bakı Beynəlxalq Avtovağzal Kompleksinin (BBAK) qarşısında hər gün xaos hökm sürür. Azərbaycan Yerüstü Nəqliyyat Agentliyi (AYNA) dəfələrlər sərnişindaşıma sahəsində hökm sürən xaosu aradan qaldırmaq üçün avtovağzaldan avtovağzala prinsipini təmin etməyə çalışsa da, bu, mümkün olmur.

Avtosfer.az xəbər verir ki, Beynəlxalq Avtovağzalın qarşısında demək olar ki, hər gün qanunsuz sərnişindaşıma prosesi baş verir və bunun qarşısını almaq qəliz bir məsələyə çevrilib. Şəxsi avtomobillərini harada gəldi saxalayan sürücülər müştəri yığmaq üçün baqajı açaraq gedəcəklərin rayonların adı yazılmış lövhələr asırlar və müştəri gözləyirlər. Nəticədə Biləcəri dairəsinə daxil olmaq, dairədən Avtovağzala doğru hərəkət etmək çətinləşir.

Qanunsuz sərnişin daşıyan sürücülər müştəriləri elə Avtovağzalın qarşısında yaxalayıb şirin dillə yola gətirirlər və onları kompeksə daxil olmağa qoymurlar. Həmin sürücülər artıq Avtovağzalın girişinə sanki canlı çəpər çəkiblər. Onların əlindən içəri nə maşınla, nə də piyada daxil olmaq mümkündür. Bəzən az qala əlində bileti olan sərnişini də yoldan tutub öz maşınlarına aparırlar.

Artıq BBAK-ın yaxınlığında iki qanunsuz avtovağzal fəaliyyət göstərir. Bununla bağlı ciddi tədbirlər görülməzsə qanuni fəaliyyət göstərənlər də qanunsuz işləyənlərə qoşulacaq.

Ərazidən çəkdiyimiz görüntüləri təqdim edirik:

Elməddin