Bakıda insanların əcəlinə çevrilən yol - VİDEO

Bakıda piyadaların ən çox vurulduğu ərazilərdən birində keçidlərdə lift işləmir.

Cəmşid Naxçıvanski adına hərbi liseydən Hövsan qəsəbəsinin girişinə qədər 3 yerüstü keçid inşa edilib. Keçidlər liftlə təmin olunsa da, istifadə etmək mümkün deyil.

Sakinlər deyir ki, xüsusilə yaşlı insanlar, əlilliyi olan şəxslər, uşaq arabası ilə yolu keçmək istəyənlər məcbur qalıb yolun hərəkət hissəsinə keçməli olurlar. Bu da qəza hallarını artırır.

Məsələ ilə bağlı Avtomobil Yolları Dövlət Agentliyindən bildirildi ki, problem yaxın vaxtda həll ediləcək.

Sakinlər ümid edir ki, onları narahat edən lift problemi qısa vaxt ərzində öz həllini tapacaq.