BNA-nın quraşdırdığı tumba sərnişinin ölümünə səbəb olacaqdı - FOTO - VİDEO

Paytaxtın Səməd Vurğun küçəsində baş verən yol-nəqliyyat hadisəsi ilə bağlı sosial şəbəkədə yeni görüntü yayılıb. Avtosfer.az xəbər verir ki, hadisəyə səbəb “Toyota Prius” markalı avtomobilin qırmızı işıqda keçməsi olub. Nəticədə “KİA” markalı avtomobillə çırpılaraq onu aşırıb.

Hadisə yerindən çəkilmiş fotoda aydın şəkildə görünür ki, “KİA” markalı avtomobil BNA tərəfindən səkiyə bərkidilmiş tumbanın üzərinə aşıb. Tumbanın qoruyucu hissəsi olmadığı üçün dəmir avtomobilin detalını deşərək salona keçib. Xoşbəxtlikdən sərnişin heç bir xəsarət almayıb.

Çox təəssüf ki, həmin tumbalara nəzarət olunmur. Onun üzərindəki qoruyucu hissənin olmaması təhlükə mənbəyinə çevrilir. Təsadüf nəticəsində həmin dəmir  parçası sərnişinə dəyərək onun həyatına son qoya bilərdi. Belə faciəvi hadisələrin yaranmaması üçün dövlət qurumları yol infrastrukturunu mütəmadi şəkildə müayinə etməlidir. Çatışmazlıqlar isə aradan qaldırılmalıdır.

Leyla