Bu küçəyə kamera quraşdırıldı: Sola dönənlər və xətti tapdalayanlar CƏRİMƏLƏNİR - VİDEO

Paytaxtın ən çox qayda pozulan daha bir küçəsinə kamera quraşdırılıb. Avtosfer.az xəbər verir ki, söhbət Azadlıq prospekti ilə Cəfər Xəndan küçəsinin kəsişməsindən (qoşa yanacaqdoldurma məntəqəsinin yanından) gedir. Azadlıq prospektinin əsas hərəkət hissəsində nişanlar yalnız düzünə getməyi məcbur etdiyi üçün, sürücülər sağ hərəkət hissəsinə keçərək oradan sola – Cəfər Xəndan küçəsinə dönürdülər. Lakin qeyd edək ki, sağ hərəkət hissəsində də nişanlar yalnız düzünə və sağa təşkil edilib. Qayda pozuntusu kütləvi hal aldığı üçün əraziyə nəzarət kamerası quraşdırılıb. Hal-hazırda sözügedən kəsişmədən sola dönən və təhlükəsizlik adacığının tələbini pozan sürücülər 40 manat məbləğində cərimə edilir.

Sürücülər Cəfər Xəndan küçəsi istiqamətinə getmək üçün öncə sağa dönməli və qarşıdan geriyə dönərək həmin istiqamətə gedə bilərlər.

Fərid