Buzovnada "Prius" yola qaçan piyadanı vurub öldürdü - VİDEO

Buzovnada ölümlə nəticələnən yol-nəqliyat hadisəsi baş verib. Avtosfer.az xəbər verir ki, hadisə iyulun 22-də qeydə alınıb. Belə ki, 90 km/saat sürət həddi təyin edilən yolda hərəkətdə olan "Toyota Prius" markalı 50-DP-911 dövlət nömrə nişanlı nəqliyyat vasitəsi yolu piyadalar üçün nəzərdə tutulmayan yerdən keçən 1969-cu il təvəllüdlü E.Quliyevi vurub. Nəticədə piyada aldığı xəsarətlərdən hadisə yerində ölüb.

Məsələ ilə bağlı Avtosfer.az-a açıqlama verən Bakı Şəhər Dövlət Yol Polisi İdarəsinin baş inspektoru, polis mayoru Araz Əsgərli bildirib ki, piyada öz həyatını heçə sayaraq yüksək sürət həddi təyin edilən, nəqliyyatın intensiv hərəkətdə olduğu yoldan keçməyə çalışıb:

"Hadisə Mərdəkan-Buzovna şosesi, Buzovna qəsəbəsi istiqamətində baş verib. Faktla bağlı araşdırma aparılır. Bir daha sürücülərə, piyadalara yollarda diqqətli olmağı tövsiyə edirik. Xüsusilə günün qaranlıq saatlarında bu cür diqqətsizlik bədbəxt hadisələrlə nəticələnir. Dəfələrlə hərəkət iştirakçılara müraciət edərək təhlükəsizlik qaydalarına, yol hərəkəti qaydalarına ciddi əməl etmələri tövsiyə edilib. Lakin təəssüf hissi ilə bildiririk ki piyadalar təhlükəsiz keçid ola-ola ke yollarda piyadalar üçün nəzərdə tutulmayan yerdən keçməyə davam edirlər".

Emin