Dörd il əvvəl ölən kişinin adına radar cəriməsi gəldi - Oğlu qəbristanlığa getdi - VİDEO

4 il əvvəl vəfat edən şəxsin adına radar cəriməsi gəlib. Bu hadisə Sabirabad rayonunda baş verib.

Avtosfer.az xəbər verir ki, bununla bağlı görüntülər sosial şəbəkələrdə yayılıb.

Görüntülərdən məlum olur ki, oğul 4 il öncə vəfat etmiş atası Əliyev Elman Mirzəxan oğlunun məzarına gedərək, adına ikinci dəfə radar cəriməsi gəldiyini deyib. 

Avtosfer.az bildirir ki, belə halda Baş Dövlət Yol Polisi İdarəsi (BDYPİ) məsuliyyət daşımır. Çünki vəfat edən şəxsin ailə üzvləri ölüm kağızı ilə BDYPİ-nin Qeydiyyat İmtahan İdarəsinə yaxınlaşmalı və vərəsəlik hüququndan istifadə edərək nəqliyyat vasitəsini öz adlarına keçirilməlidir. Görünür vəfat edən şəxsin ailə üzvləri bu poroseduru həyata keçirməyib və avtomobil ölən şəxsin adında qalıb və xüsusi texniki vasitələrin qeydə aldığı inzibati xətalar ölən şəxsin adına rəsmiləşdirilib.

Görüntüləri təqdim edirik: