DYP sürücülərə yazılan bu cür cərimələrlə bağlı iki səhvə yol verir - VİDEO

Son zamanlar Avtosfer.az-ın qaynar xəttinə sürücülərə yazılan cərimələrə görə çoxsaylı şikayətlər daxil olur. 
Nəqliyyat eksperti Elməddin Muradlı qanuna uyğun olmayan bu cərimələrdən danışıb. Onun sözlərinə görə, belə cərimələr qanunsuz və yolverilməzdir. “İnzibati Xətalar Məcəlləsinin 332-ci maddəsinə görə yazılan protokollar barəsində şikayətlər çoxluq təşkil edir. Problem ondan qaynaqlanır ki, vətəndaşlar sürücülük hüququ olmayan şəxsə məxsus avtomobili etibarnamə ilə sürsələr də, kamera və radarla aşkar olunan xətalar qeydə alınanda diqqətsizliyə yol verilir. Nəticədə nəqliyyat vasitəsinin sahibinə sürücülük hüququ olmadan avtomobil sürdüyü üçün 100-300 manat cərimə göndərilir. Özü də bu, elektron qərar şəklində yazılır. Bundan başqa, İnzibati Xətalar Məcəlləsinin 122-ci maddəsində elektron qaydada qeydə alına bilən xətaların siyahısında İXM-nin 332-ci maddəsi yoxdur. Ümid edirik ki, DYP vətəndaşları narahat edən bu məsələyə diqqətlə yanaşacaq və bu cür xətalar aşkar olunanda ən azından nəqliyyat vasitəsini idarə edən və ya sahiblik hüququq olan şəxslə əlaqə saxlayıb dəqiqləşdirmə aparmaq olar”.
Ekspert yeni elektron cərimələrin tətbiq oluna biləcəyini də vurğulayıb. 
Daha ətraflı videoda:

Nurlan Sakitoğlu