Gəncədə sakinlər belə yol çəkilişinə etiraz edir - VİDEO

Gəncədə yolun bir hissəsinin uzun müddətdir baxımsız qalması sakinləri təngə gətirib. 10-a yaxın binada yaşayan yüzlərlə sakin bu yoldan nə ayaqla rahat keçə bilir, nə də maşınla.

Söhbət Gəncənin Məmməd Xələfov küçəsindən gedir.

Sakinlər yolun vəziyyətinə əncam çəkilməsi üçün dəfələrə aidiyyəti qurumlara müraciət etdiklərini deyirlər.

"Yağıntıların bol olduğu günlərdə yol daha da baxımsız vəziyyətə düşüb."

Məsələ ilə əlaqədar Gəncə ŞİH-dən bildirdilər ki, hazırda "Açıq Kommunal İnfrastruktur Proqramı II" layihəsi icra olunur. Gəncə küçələrinin, qəsəbə və məhəllədaxili yolların asfaltlanması da şəhərin içməli su və kanalizasiya sisteminin yenidən qurulması da layihəyə paralel şəkildə aparılır.

"Su-kanalizasiya xətlərinin çəkilişi və yenilənməsi işlərinin tam yekunlaşdığı ərazilərdə mərhələli şəkildə asfaltlanma həyata keçiriləcək."