“İcra hakimiyyəti yeyinti etməsə, belə qanunsuzluqlar baş verməz” – VƏTƏNDAŞ ŞİKAYƏTİ - VİDEO

Bir neçə gündür ki paytaxtın Nizami rayonunda səkidə qazıntı işləri aparıb hansısa kommunal xətlərdə yenilik işləri görürlər.

Bu barədə Avtosfer.az-ın sosial şəbəkə hesabına vətəndaşlardan biri məlumat verib. Vətəndaş göndərdiyi videoda bildirib ki, artıq bir neçə gündür ki, rayonun Elşən Süleymanov küçəsində səkidə qazıntı işləri aparılır. Hansısa kommunal xəttə obyektlərdən birinin qoşulması işləri görülür. Vətəndaş bildirib ki, bu, kanalizasiya və su xətti də ola bilər. Buna baxmyaraq, qazıntı işləri aparılan hissədə nə bir məlumatlandırma lövhəsi, nə də təhlükəsizliyi təmin edəcək digər vasitələr yerləşdirilməyib.

Sakinin sözlərinə görə, ərazidə fiziki qüsurlu şəxslər də yaşayır və kimsə günün qaranlıq saatında bu boruları və qazıntı işlərini görməyə bilər. Bundan əlavə vətəndaş kanalizasiya xətlərinin çəkilməsini nümunə gətirərək deyib: “Sabah nəsə baş versə, yapışacaqlar dövlət qurumundan. İcra hakimiyyəti icazə verməsə, yeyinti etməsə, bu şeylərə şərait yaratmasa, belə qanunsuzluqlar da ortaya çıxmaz.”.

Vətəndaşın şikayəti əsasında Azərbaycan Dövlət Su Ehtiyatları Agentliyinə sorğu ünvandladıq. Qurumdan sorğumuza cavab olaraq bildirildi ki, qeyd edilən ünvanda su və kanalizasiya xətlərinə hansısa müdaxilə, birləşmə işləri nəzərdə tutulmayb. Qazıntı işləri qurum tərəfindən aparılmır.

Səfər