“İnfiniti” qayda pozdu, digər sürücülər də təkrar etdi - VİDEO

Paytaxtın Hüseynbala Əliyev küçəsi ilə Mir Cəlal küçəsinin kəsişməsində avtomobillərin hərəkəti intizamsızdır.
Avtosfer.az xəbər verir ki, hadisə ilə bağlı izləyicilər tərəfindən qaynar xəttə şikayət daxil olub. Vətəndaşın iddiasına görə, problem dayanmadan təkrarlanır. Belə ki, 01-BN-033 dövlət nömrə nişanlı “İnfiniti” markalı avtomobil hərəkət nizamını pozaraq ikinci zolaqdan Mir Cəlal küçəsinə dönür. Üstəlik, dönmə zamanı avtobusun yoluna çıxaraq hərəkətini davam etdirir. Hadisəni davam etdirən digər avtomobil sürücüləri də ikinci zolaqdan dönmə əməliyyatını yerinə yetirərək manevr qaydalarını pozurlar.
Qeyd edək ki, sözügedən ərazi ilə bağlı ciddi tədbirlər görülməlidir. Sürücülər isə İnzibati Xətalar Məcəlləsinin müvafiq maddələrini pozduqlarına görə məsuliyyətə cəlb edilməlidirlər.

Fərid