"Kontakt Home" un qarşısındakı tumbalar artıq bir neçə dəfədir ki..... – ŞİKAYƏT - FOTO

"Kontakt Home"un "Xalqlar Dostluğu" filialının qarşısındakı tumbalar artıq bir neçə dəfədir ki, sökülüb və bərpa edilib. Avtosfer.az xəbər verir ki, 99-KO-744 dövlət nömrə nişanlı “Hyundai” markalı avtomobil səkiyə park edilib. İzləyicinin göndərdiyi fotodan görünür ki, səkidəki tumbalar yenə də əksikdir və səkinin bir hissəsində yenə maşın saxlanılır. Piyadalar isə avtobus zolağına çıxır. 
Paylaşılan fotonun altında “Nə qədər maşın yoluna çıxıb təhlükə ilə üzləşmək olar?" – deyə piyada sual ünvanlayıb.
“Kontakt Home” məsələyə aydınlıq gətirərək bu halın onlarla heç bir əlaqəsi olmadığı bildirilib: “Məlumat üçün bildirək ki, daha öncə “Kontakt Home” "Xalqlar Dostluğu" mağazasının önündə yol-nəqliyyat hadisəsi baş verməsi səbəbi ilə avtomobilin dirəklərə çırpılması nəticəsində dirəklər yararsız hala düşüb və kəsilib.
Hazırda da bu halın “Kontakt Home” mağazalar şəbəkəsi ilə əlaqəsi yoxdur”.
Hər nə olursa olsun piyadaların yolunu kəsmək və onları təhlükəyə atmaq qanunlara ziddir. “Hyundai” markalı avtomobilin sürücüsü İnzibati Xətalar Məcəlləsinin bir neçə maddəsinə görə məsuliyyətə cəlb edilə bilər.

Fərid