“Mazda” metronun divarına çırpıldı: 3 ölü, 2 yaralı - VİDEO

Rusiyanın paytaxtı Moskvada avtomobilin metro stansiyasının divarına çırpılması nəticəsində 3 nəfər ölüb, 2 nəfər isə xəsarət alıb. Avtosfer.az xəbər verir ki, insident bu gün səhər saatlarında metronun Moskva Mərkəzi dairəvi “Okrujnaya” stansiyasında qeydə alınıb.

Məlumat görə, yüksək sürətlə idarə olunan “Mazda” markalı minik maşını, sürücünün idarəetməsindən çıxaraq əvvəlcə səkidə dayanan piyadalara, sonra da stansiyanın divarına çırpılıb. Qəzada 2 piyada hadisə yerində biri isə xəstəxanaya aparılarkən yolda keçinib.

Sürücünün sərxoş olduğu bildirilir.

Hüquq-mühafizə orqanları tərəfindən araşdırmalara başlanılıb.

Namiq Musayev