Narkoloji testlə bağlı taksi sürücüləri nə düşünür? – SORĞU - VİDEO

Son vaxtlar bəzi sürücülərin narkotik vasitələrin təsiri altında taksi fəaliyyəti ilə məşğul olması halları artıb. Belə hallar sərnişinlər üçün həm təhlükəlidir, həm də narahatlıq yaradan amildir. Belə ki, taksi sifariş etdikdə sürücünün narkotik vasitənin təsiri altında olduğu və ya psixi problemləri olduğu sual altında qalır. Sürücülərin bu kimi hallarının qarşısını almaq məqsədilə narkoloji testlərə cəlb olunacağı bildirilir. Həmçinin istehsal ili köhnə olan avtomobillərdə taksi fəaliyyətinə buraxılmayacaq. Bu da taksi xidmətlərinin keyfiyyətini artırmaq üçün atılmış ciddi addımlardan hesab oluna bilər.

Avtosfer.az sürücü və sərnişinlərin bu yeniliklərə münasibətinin necə olduğunu araşdırıb.

Sorğu zamanı sürücüləri narkoloji testlərə müsbət baxsa da, ili köhnə avtomobillərin taksi fəaliyyətinə buraxılmaması məsələsi bir mənalı qarşılanmayıb.

Sərnişinlər isə bu addımların daha rahat və təhlükəsiz səyahət üçün düzgün olduğunu düşünür.  

Hər bir halda taksi xidmətləri ilə bağlı ciddi problemlərin olması danılmaz faktdır. Ümid edirik ki, atılan addımlar və tətbiq ediləcək yeni qaydalar sərnişinlər üçün daha rahat səyahət imkanı yaradacaq. Həmçinin istehsal ili köhnə olan avtomobillərlə taksi fəaliyyəti göstərən sürücülər üçün də daha əlverişli imkanlar yaradılacaq.

Videonu təqdim edirik:

Məhəbbət Tərlanoğlu