Parkinqlərdə paklanma saatının VAXTI UZADILSIN – Sürücülərdən ŞİKAYƏT - VİDEO

Paytaxt Bakıda bazar günü və hər gün axşam saat 10-dan səhər saat 7-yə qədər parkinq pulsuzdur. Amma saatların belə seçilməsi əksər sürücülərin ürəyincə deyil.

Məsələ qanunvericilikdə bu şəkildə tənzimlənsə də amma sürücülər hesab edirlər ki, səhər saat 7 hər kəsə sərf edən vaxt deyil.

Sürücülər hesab edir ki, pulsuz parkinq üçün seçilən vaxt, verilən müddət yetərli deyil.

Məsələ ilə bağlı yerüstü nəqliyyat agentliyindən bildiriblər ki, parklanma qaydaları və tarifləri Nazirlər Kabinetinin qərarına uyğun olaraq tənzimlənir. Bəs bu qərarın dəyişdirilməsi nəzərdə tutulurmu, sualımıza qurumdan bildirdilər ki, bununla bağlı heç nə deyə bilməzlər. Səbəbini soruşduqda isə, sualınızı Nazirlər kabinetinə ünvanlayın cavabını verdilər.

Nazirlər Kabinetinin mətbuat xidmətindən isə bir cümlə ilə cavab verildi: "İctimaiyyətin qaldırdığı hər bir məsələ müzakirə edilə bilər".

Mövzu ilə bağlı daha ətraflı videomaterialı təqdim edirik: