Paytaxtın bu küçəsi cəngəlliyi xatırladır – Piyadalar səkidə gəzə bilmir - FOTO

200 nömrəli tam orta məktəbinin qarşısında piyadalar hərəkət etməyə çətinlik çəkir. Söhbət Nərmanov rayonu Fətəli Xan Xoyski küçəsinə paralel yaradılmış piyada səkisini zəbt edən ağaclardan gedir. Küçədə ağaclar o qədər qol-budaq atıb ki, piyadalar səkidə hərəkət edə bilmir. Valideynlər, məktəblilər yolun hərəkət etməli olduğu üçün təhlükəli vəziyyət yaranır.
Avtosfer.az-ın “Qaynar xətt”inə daxil olan çoxsaylı şikayətləri əlimizdə əsas götürərək Bakı Şəhər İcra Hakimiyyəti Yaşıllaşdırma Təsərrüfatı Birliyinə müraciət etdik. Birliyin bundan xəbəri olmadığını və anında aradan qaldırılacağı bildirildi. Vətəndaşların şikayəti Avtosfer.az vasitəsi ilə oktyabrın 25-də səhər saatlarında aradan qaldırıldı. Artıq piyadalar səkidə rahat hərəkət edə bilirlər.

Nurlan Sakitoğlu