Polis parkinqə çevrilmiş səkini təmizlədi - FOTO - YENİLƏNİB

Paytaxtın Abbas Mirzə Şərifzadə küçəsində səki parkinqə çevrilib.

Avtosfer.az xəbər verir ki, bu barədə izləyicilər saytın qaynar xəttinə şikayət ediblər. Belə ki, sözü gedən ərazidə “Bravo” supermarketin qarşısında, piyadalar üçün nəzərdə tutulan səki parkinq kimi fəaliyyət göstərir. Nəticədə piyadalar yan-yana düzülən maşınların arxasından, yəni yola çıxaraq hərəkət etməyə məcbur qalırlar. Bu da, onların həyatını risk altına atır. Vətəndaşlar aidiəti qurumlardan xahiş edirlər ki, məsələ ilə bağlı tədbir görülsün.

Daxili İşlər Nazirliyinin Mətbuat Xidmətindən Avtosfer.az-a verilən məlumata görə, əraziyə baxış keçirilib. Məsələ ilə bağlı problem aradan qaldırılıb. DİN-in əməkdaşları ərazini nəzarətə götürərək, vətəndaşların rahat hərəkətini təmin ediblər.

Nurlan