Piyada keçidindəki problem uzun illərdən sonra HƏLL EDİLDİ - VİDEO

Bakıda piyada keçidində uzun müddət davam edən problem aradan qaldırılıb.

Söhbət paytaxtın Nərimanov rayonu, Təbriz və Ağa Nemətulla küçələrinin kəsişməsindəkı piyazda zolağından gedir. Burada Təbriz küçəsindən Ağa Nemətulla küçəsinə sağa dönən zaman işıqforun yaşıl işığı həm nəqliyyat vasitələri, həm də piyadalar üçün eyni vaxtda yandığından qəza şəraiti yaranırdı.

Nəqliyyatı İntellektual İdarəetmə Mərkəzinin əməkdaşları ərazidə təhlillər apararaq hərəkətin təşkilində dəyişiklik ediblər.

İşıqforun iş rejimi 2 fazadan 3 fazaya dəyişdirilib  və yol hərəkəti iştirakçılarının təhlükəsiz hərəkəti təmin edilib.

Kəsişmədə edilən dəyişiklikdən sonra yolda sıxlığın qarşısı da qismən alınıb.