Polis əməkdaşları yolda qalan xanım sürücüyə yardım etdilər - FOTO

Bakıda polis əməkdaşları xanım sürücüyə yardım edib. Sürücülük təlimçisi Arzu Babazadə başına gələn hadisəni Avtosfer.az-a danışıb. O bildirir ki, idarə etdiyi avtomobillə paytaxtın Mikayıl Müşviq küçəsilə hərəkətdə olarkən təkərdə nasazlıq yaranıb: “Həmin gün geyindiyim geyim təkəri dəyişməyə əl vermədiyi üçün köməksiz vəziyyətdə qalmışdım. Bu zaman oradan keçən Yasamal rayon Polis İdarəsinə məxsus 99-PD-836 qeydiyyat nişanlı avtomobili idarə edən polis əməkdaşları köməksiz vəziyyətdə qaldığımı görərək mənə yaxınlaşdılar və avtomobilin təkərini dəyişərək mənə yardım etdilər. Adlarını soruşub ictimailəşdirməyə çalışsam da, onlar buna razı olmayaraq vəzifə borclarının olduğunu bildirdilər. Lakin şəkillərini gizlin də olsa çəkdim” – deyə Arzu Babazadə bildirib.

Fərid