Polisdən "avtoşluq" edən sürücü barədə AÇIQLAMA - VİDEO

Sosial şəbəkələrdə avtoxuliqanlıq hərəkətləri edən sürücünün videosu yayılıb. DİN-in Mətbuat Xidmətinin Gəncə regional qrupunun baş inspektoru Eşqin Qasımov Avtosfer.az-a bildirib ki, həmin görüntü ilə bağlı Gəncə şəhər Baş Polis İdarəsinin Dövlət Yol Polisi Şöbəsinin əməkdaşları tərəfindən cari ilin aprel ayında müvafiq araşdırmalar aparmış və VAZ markalı avtomobilin sürücüsü Rufan Həsənov barəsində İnzibati Xətalar Məcəlləsinin müvafiq maddəsinə uyğun protokol tərtib olunaraq məhkəməyə göndərilib. "Məhkəmənin qərarı ilə sürücü inzibitai qaydada həbs edilib. Bundan başqa bildirmək istəyirəm ki, sözügedən şöbənin əməkdaşları həm sürücülər həm də piyadalar haqqında mütəmadi olaraq monitorinq- profilaktiki tədbirlər həyata keçirir. Bir neçə müddət əvvəl çəkilmiş və barəsində qanuni tədbir görülmüş görüntüləri sosial şəbəkələrdə yenidən tirajlamaq Dövlət Yol Polisi əməkdaşlarının xidmətlərinə kölgə sala bilməz. Ona görə də vətəndaşları bu əməldən çəkinməyə çağırıram."