"Prado"ya cərimə getdi, şəkildə "Opel" çıxdı - DYP-dən AÇIQLAMA - VİDEO

Sosial şəbəkələrdə 99-UR-682 dövlət nömrə nişanlı, "Toyota Prado" markalı avtomobilə gələn dayanma-durma cəriməsi təəccüb doğurub. Avtosfer.az xəbər verir ki, cərimə barədə məlumata baxan zaman sürücü cərimə olunan avtomobilin "Opel" markalı olduğunu görür. Maraqlıdır ki, cərimə Bərdə şəhərində yazılıb. 
Bu barədə sosial şəbəkələrdə video paylaşan sürücü hətta zarafatla "maşın gecələr "Opel" paltarı geyinib taksi sürür" ifadəsini də işlədib. 
Məsələ ilə bağlı Baş Dövlət Yol Polisi İdarəsindən Avtosfer.az-a bildirilib ki, problem artıq həllini tapıb. Qayda pozan sürücünün avtomobili "90" seriyası ilə başlayır. Əməkdaş isə səhvən "99" seriyasını yazıb.

Videonu təqdim edirik:

Leyla