"Protiv" sürüb maşınların qarşısını kəsən sürücü saxlanıldı - VİDEO

Bakıda əks yola çıxıb təhlükə yaradan sürücü cərimələnib.

Bu barədə Avtosfer.az-a Bakı şəhər Dövlət Yol Polisi İdarəsindən məlumat verilib.

Belə ki, dekabrın 2-də, paytaxtın Əhməd Rəcəbli küçəsində qoşa xəttin tələbini pozan 90-RR-408 qeydiyyat nişanlı “Toyota” markalı avtomobilin sürücüsü elə həmin vaxt ərazidə xidmət aparan yol polisi əməkdaşları tərəfindən saxlanılaraq barəsində inzibati məsuliyyət tədbiri görülüb.

Xətanı törədən 1978-ci il təvəllüdlü Axundov Ramin Qalib oğlu İnzibati Xətalar Məcəlləsinin 327.4-cü maddəsi ilə 4 bal 100 manat məbləğində cərimələnib.

Leyla