Qəza şəraiti yaradan "Porsche" sürücüsü qoçuluq edib yolu kəsdi: "Sən hələ məni tanımırsan" - VİDEO

Masazır dairəsində qaydaları kobud şəkildə pozan sürücünün videosunu oxuculardan biri redaksiyamızın qaynar xəttinə göndərib. Avtosfer.az xəbər verir ki, hadisə fevralın 27-də baş verib. Belə ki, 99-OT-777 qeydiyyat nişanlı "Porsche" markalı avtomobilin sürücüsü dairəvi hərəkət təşkil edilmiş yolayrıcının keçilməsi qaydasını pozaraq qəza şəraiti yaradıb. Görüntünü qeydə alan sürücü qəzanın qarşısını almaq məqsədi ilə səs siqnalı verən zaman o, bundan qəzəblənərək yolu kəsib. Avtomobildən düşən sürücü haqsız olduğu halda mübahisə etməyə başlayıb. Görüntünü qeydə alan sürücünün sözlərinə görə, mübahisənin sonunda o, "sən bilmirsən hələ mən kiməm" deyərək ərazidən uzaqlaşıb.

Sözügedən videonu təqdim edirik:

Leyla