Qəzadan qaçan sürücü ana və körpəsini vurdu - VİDEO

Yol kəsişməsində baş verən dəhşətli yol qəzasının görüntüləri təhlükəsizlik kamerasına düşüb. Avtosfer.az xəbər verir ki, görüntülər Rusiyada qeydə alınıb.

Kadrlarda, hərəkətdə olan avtomobilin qarşısına qəfildən əks yoldan hərəkət edən avtomobilin manevr etdiyi görülür. Sürücü qəzadan qaçmaq üçün sükanı sağa döndərir, lakin, bu zaman səkidə dayanmış qadını və uşaq arabasını vurur. Zərbənin təsirindən uşaq arabasında olan körpə mağazanın pəncərəsinə çırpılır. 

Yerli KİV-in məlumatına görə, qəza nəticəsində qadın kələ beyin zədəsi və omba sınığı ilə, körpə isə ağır xəsarətlərlə xəstəxanaya yerləşdiriliblər. Uşağın vəziyyətinin ağır olduğu bildirilir.  

Sürücü ilə bağlı isə cinayət işi açılıb.

Namiq Musayev