Qəzalara görə bu küçəyə işqıfor qoyulmalıdır - Aqil Rəhimov AYNA-ya çağırış etdi - VİDEO

Qəza əleyhinə kursların məşqçisi Aqil Rəhimov Bakının Nərimanov Təbriz küçəsində yol hərəkəti ilə bağlı ciddi təhlükələrə diqqət çəkib. 

Avtosfer.az xəbər verir ki, həmin ərazidə tez-tez qəzaların baş verdiyini və bu qəzaların nəticələrinin çox zaman ağır olduğunu bildirib. Aqil Rəhimov sürücülərə ehtiyatlı olmaları barədə çağırış edib və məsələ ilə bağlı Azərbaycan Yerüstü Nəqliyyat Agentliyinə (AYNA) müraciət ünvanlayıb.

Onun sözlərinə görə, o yolda daima qəza şəraiti yaranır və bu, son dərəcə təhlükəlidir:

"”Nərimanov” metrosundan “Metropark”a tərəf gedən yolda daim xatalı vəziyyət müşahidə olunur. Sürücülərdən xahiş edirəm ki, ehtiyatlı olsunlar. Yol bizimdir, baş yoldur, amma aləm bir-birinə qarışır. Eyni zamanda hörmətli AYNA rəhbərliyinə müraciət edirəm, xahiş edirəm ki, bu əraziyə svetofor qoyasınız. Tez-tez burada qəzalar baş verir və nəticələri çox zaman ağır olur. Bu vəziyyət davam edə bilər. “Nərimanov” metrosu tərəfdən gələnlərə bir az daha uzunmüddətli yaşıl işıq yansın ki, həm təhlükə azalsın, həm də tıxac yaranmasın."

Eltac Zülfüqaroğlu