Sakinlər şikayət edir: Bakının bu ərazisində nə marşrut xətti var, nə də səki - VİDEO

Şəhid ailələri və əlilliyi olan şəxslər üçün nəzərdə tutulan sosial binalar vətəndaşların öhtəliyinə verilsə də, əraziyə heç bir marşrut xətti yoxdur. Üstəlik avtobusa minmək üçün gedəcəyiniz 2-3 kilometrlik yolda səki belə yoxdur. 

Avtosfer.az xəbər verir ki, söhbət  Məhəmmədli qəsəbəsində yerləşən "Savalan Yeni Yaşayış kompleksi"nin sakinlərindən gedir. Əraziyə ən yaxın marşrut 185 nömrəli avtobusdur. O da, "Neftçilər" metrostansiyasına gedir. Nəzərə alsaq ki, əraziyə ən yaxın "Koroğlu" metrostansiyasıdır. Sakinlər Bakının fərqli-fərqli bölgələrindən keçib 2-3 saatdan çox müddətdə istədikləri ünvana çata bilərlər.

İzləyicilər tərəfindən saytın qaynar xəttinə daxil olan şikayətdən sonra əraziyə baxış keçirdik və şikayətlərin əsassız olmadığını gördük. 

Bəs buna kim nəzarət edir? 

Tam əminliklə deyə bilərik ki, heç kim. Çünki nəticə göz qabağındadır. Qeyd edək ki, ərazidə yaşayanların içində gözdən əlilliyi olan şəxslər də az deyil.

Nurlan