“Təcili tibbi yardım” maşını traktorla toqquşdu: sürücü sərxoş imiş – VİDEO

Rusiyanın Yakutiya əyalətində “təcili tibbi yardım” maşını ilə traktorun toqquşma görüntüləri təhlükəsizlik kamerasına düşüb. Avtosfer.az xəbər verir ki, insident Mirninskiy rayonunda qeydə alınıb.

Kadrlarda, “təcili tibbi yardım”a məxsus “UAZ” markalı maşının hərəkətdə olduğu, körpüdən keçdiyi zaman sürücünün idarəetməsindən çıxaraq traktorla toqquşduğu görülür.

Nəticədə “UAZ”ın sürücüsü müxtəlif dərəcəli bədən xəsarətləri alıb.

Yerli medianın məlumatına görə, polisin araşdırmaları zamanı “UAZ” markalı maşının sürücüsünün sərxoş olduğu müəyyən olunub.

Namiq Musayev