Təcili yardımla “məzələnən” sürücüyə ibrətamiz cəza - VİDEO

Fevral ayında təcili yardım avtomobilinə qarşı qeyri-adekvat hərəkət edən britaniyalı sürücü barədə hökm çıxarılıb.
Avtosfer.az xəbər verir ki, London məhkəməsi təcili yardım avtomobilinin qarşısında maşın oynadan sürücüyə qarşı sərt davranıb.
Təcili yardım karetasındakı kamera təsvirlərindən məlum olur ki, tənəffüs problemi olan şəxsi xəstəxanaya çatdırmaq istəyən sürücü səs siqnalı və sayrışan işıqları qoşaraq digər avtomobilləri ötür. Bütün maşınlar maksimum kənara çəkilib yolu açsa da, qırmızı avtomobilin sürücüsü təcili yardım avtomobilinin onu ötməsini həzm edə bilmir. O, təcili yardım avtomobilinin qarşısına keçərək gah tormoz verir, gah da kəskin manevr edir. Yol ayrıcında isə onun hərəkətini bloklayır. Amma bütün davranışların qeyd edildiyindən xəbəri yox idi.
Kamera qeydlərini nəzərdən keçirən və sürücünün ifadəsini dinləyən hakimin qərarı sərt olur. Təcili yardımla “məzələnən” oğlan 3 il sürücülük hüququndan məhrum edilir. Bundan başqa, o 200 saat ictimai iş və 8 ay qiyabi həbslə cəzalandırılır.